Mere Mitron…

This poem is dedicated to all my friends, with whom I have shared a part of my life, whether in school, college, personally or professionally, and also who have encouraged me in doing better directly or indirectly

woh bhi kya zamaana tha…  jab hum sabka yaaraana tha
waqt guzarta tha nukkad pe…  aur koi kahaan thikaana tha

daulat nahi thi tab…  kuch sikkein hi humara khazaana tha
shahorat to thi nahin…  bas har galti par laga raheta zurmaana tha

kahaan aata tha kuch humein…  jab masterji ko batalaana tha
woh dost hi aate the kaam…  jab maa-baap se kuch bhi chupaana tha

dikkatein nahi aati thi…  jab humein koi bhi Plan banaana tha
manzil ki fikar nahi hoti thi…  humein to sirf saath hi chalanaa tha

shikayatein hoti thi bahot…  jab kartaa koi bahaana tha
zabarjasti hi ghustein the team mein…  maafi ka khahaan tab zamaana tha

muskilen jheli nahi akele kisine…  kyonki sabko saath jo nibhaana tha
dost ka dushman dushman… jisse humein bas yuhin ladnaa tha

chhoda nahi kisne saath…  par zindagion ko aage jo badhaana tha
kuch dost yuhin chhoot gaye…  kuch ko zamaane ko jo dikhaana tha

zikar ab bhi uthta hai sabka…  jab sochte, kaisa humara wo bachpanaa tha
woh bhi kya zamaana tha…  jab hum sabka yaaraana tha